داران پاییز بزه, ولگ فوبو
سرجلاسته جه باد, خوشکا بو
رج ايساد, درازه ناخن مره
لخت وسوخت,زوزوکنان
باد پيچاده دارانا , مي جانه ره
دوطرف چنگ تاوديد,جاده درون
آ سياه ظلماته شب,عزراييل
کي مي دادم نرسه,ميکاييل
فوتورکان زندره , ترسه مه
فرانم ماشينا من , ده تخت گاز
جيويزم جه دست آ راشي مرگ
نصف شبه,لل پر نزنه جاده ميان
کرا از او دور دوران
نوري سوسو زندره
ديل مي شين واهيل به
باز اميد به زندگي اموندره
هیچ نظری موجود نیست:
ارسال یک نظر